Ezra 10

Abantu Bavuma Isono

1Lapho u-Ezra wayekhuleka njalo efakaza izono, ekhala ezilahla phansi phambi kwendlu kaNkulunkulu, ixuku elikhulu laba-Israyeli – amadoda labafazi labantwana – babuthana kuye. Labo bakhala kabuhlungu.

2Yikho uShekhaniya indodana kaJeshiyeli, omunye wesizukulwane sika-Elami, wathi ku-Ezra, “Kasizange sithembeke kuNkulunkulu wethu ngoba sathatha abafazi kwabezizwe esakhelene labo. Kodwa loba kunjalo ithemba lisekhona ngo-Israyeli. 3Manje kasenzeni isibopho phambi kukaNkulunkulu wethu ukubalahla bonke labobafazi labantwababo njengeseluleko senkosi yami lalabo abayesabayo imilayo kaNkulunkulu wethu. Kakwenziwe ngendlela yoMthetho. 4Sukuma; indaba le isezandleni zakho. Thina sizakusekela, yikho yiba lesibindi ukwenze.”

5Ngakho u-Ezra waphakama wafungisa bonke abakhokheli babaphristi labaLevi lo-Israyeli wonke ukwenza lokho okwakumisiwe. Basenza lesosifungo. 6U-Ezra wasesuka endlini kaNkulunkulu waya endlini kaJehohanani indodana ka-Eliyashibi. Elapho kadlanga lutho njalo kazange anathe manzi, ngokuba waqhubeka elilela ukungathembeki kwezithunjwa.

7Kwasekukhutshwa isimemezelo kulo lonke elakoJuda kanye leJerusalema ukuthi zonke izithunjwa kaziqoqane eJerusalema. 8Ingqe ngubani ongafikanga phakathi kwezinsuku ezintathu wayezathathelwa yonke impahla alayo, kulandelwa isinqumo sezinduna labadala, kuthi yena ngokwakhe axotshwe emphakathini walabo ababethunjiwe.

9Phakathi kwalezozinsuku ezintathu wonke amadoda akoJuda lakoBhenjamini ayesebuthene eJerusalema. Kwathi ngelanga lamatshumi amabili lenyanga yesificamunye bonke abantu babehlezi esigcawini phambi kwendlu kaNkulunkulu, bekhathazekile ngombuthano lowo njalo begxanxwa lizulu elalisina. 10Kwathi u-Ezra umphristi wasukuma wathi kubo, “Kalithembekanga; lisuke lathatha abafazi bezizweni, lengeza icala lika-Israyeli.

11Manje-ke fakazani izono zenu kuJehova, uNkulunkulu wabokhokho benu, lenze intando yakhe. Zahlukaniseni kulababantu elakhelene labo lasebafazini benu abezizwe.”

12Inkundla yonke yaphendula ngelizwi elikhulu yathi: “Uqondile! Kumele senze njengoba usitsho. 13Kodwa kulabantu abanengi lapha futhi lesi yisikhathi sezulu; ngakho ngeke sime lapha phandle. Futhi indaba ingazake iphethwe ngosuku olulodwa kumbe ezimbili, ngokuba sonile kakhulu ngento le. 14Akuthi izinduna zethu zisimele thina sonke. Akuthi wonkemuntu emizini yethu othethe umfazi wabezizwe eze ngesikhathi esimisiweyo, eze labadala kanye labehluleli balowomuzi, luze ludede kithi ulaka olwesabekayo lukaNkulunkulu wethu. 15Kwaba nguJonathani kuphela, indodana ka-Asaheli loJahizeya indodana kaThikiva, besekelwa nguMeshulami loShabethayi umLevi abakuphikisayo lokhu.

16Ngakho izithunjwa zenza njengokwakumisiwe. U-Ezra umphristi wakhetha amadoda ayeyizinhloko zezimuli, oyedwa emulini, bonke baqanjwa ngamabizo. Ngosuku lokuqala lwenyanga yetshumi bahlala phansi bawahlolisisa lawomacala, 17kwathi ngelanga lokuqala ngenyanga yokuqala baqeda ukuphatha indaba yamadoda ayethethe abafazi bezizweni.

Ababelecala Lokuthatha Abafazi Bezizweni

18Phakathi kwezizukulwane zabaphristi, laba abalandelayo yibo ababethethe abafazi bezizweni: Abesizukulwane sikaJeshuwa indodana kaJozadaki labafowabo: uMasaya, u-Eliyezari, uJaribi loGedaliya. 19(Bonke baphakamisa izandla zabo bafunga ukubalahla abafazi babo, kwathi ngenxa yecala labo ngulowo wakhupha inqama emhlambini ukuba ngumnikelo wesono.)

20Abesizukulwane sika-Imeri: nguHanani loZebhadiya.

21Abesizukulwane sikaHarimi: nguMaseya, lo-Elija, loShemaya, loJehiyeli lo-Uziya.

22Abesizukulwane sikaPhashuri: ngu-Eliyonayi, loMaseya, lo-Ishmayeli, loNethaneli, loJozabhadi lo-Elasa.

23Phakathi kwabaLevi nampa: uJozabhadi, loShimeyi, loKhelaya (kutshiwo uKhelitha) loPhethahiya, loJuda lo-Eliyezeri.

24Phakathi kwabahlabeleli nampa: u-Eliyashibi. Phakathi kwabalindimasango: nguShaluni, loThelemu lo-Uri.

25Phakathi kwabanye abako-Israyeli: Abesizwe sikaPharoshi: nguRamiya, u-Iziya, uMalikhija, uMijamini, uEliyezari, uMalikhija loBhenaya.

26Abesizukulwane sika-Elami: nguMathaniya, uZekhariya, uJehiyeli, u-Abhidi, uJeremothi lo-Elija.

27Abesizukulwane sikaZathu: ngu-Eliyonayi, u-Eliyashibi, uMathaniya, uJeremothi, uZabadi lo-Aziza.

28Abesizukulwane sikaBhebhayi: nguJehohanani, uHananiya, uZabayi lo-Athilayi.

29Abesizukulwane sikaBhani: nguMeshulami, uMaluki, u-Adaya, uJashubi, uSheyali loJeremothi.

30Abesizukulwane sikaPhahathi-Mowabi: ngu-Adina, uKhelali, uBhenaya, uMaseya, uMathaniya, uBhezaleli, uBhinuyi loManase.

31Abesizukulwane sikaHarimi: ngu-Eliyezari, u-Ishiya, uMalikiya, uShemaya, uShimeyoni, 32uBhenjamini, uMaluki, loShemariya.

33Abesizukulwane sikaHashumi: nguMathenayi, uMathatha, uZabadi, u-Elifethi, uJeremayi, uManase loShimeyi.

34Abesizukulwane sikaBhani: nguMadayi, u-Amramu, u-Uweli,

35uBhenayi, uBhedeya, uKheluthi,

36uVaniya, uMeremothi, u-Eliyashibi,

37uMathaniya, uMathenayi loJasu.

38Abesizukulwane sikaBhinuwi:

39nguShimeyi, uShelemiya, uNathani, u-Adaya, 40uMakhinadebhayi, uShashayi, uSharayi, 41u-Azareli, uShelemiya, uShemariya, 42uShalumi, u-Amariya loJosefa.

43Abesizukulwane sikaNebho: nguJeyeli, uMathithiya, uZabadi, uZebhina, uJadayi, uJoyeli loBheniya.

44Bonke laba bathatha abafazi bezizweni, abanye babo bazala abantwana labafazi labo.